MYTHUS ROMANUS
Archaeologos putare se invenisse cavernam Romuli et Remi
Archaeologi nuntiant se invenisse rem maximê mirabilem: Iidem in colle Romae Palatino 16 (sedecim) metris sub terrae superficie invenêrunt cavernam fabulosam, quam dicunt a Romanis priscis religiosê cultam esse ut illam cavernam, in qua Romulus et Remus conditores Urbis a lupâ lactati essent.
Caverna fabulosa: Archaeologi Romae invenerunt cavernam, quam dicunt esse „probabilitate certitudini proximâ" illam cavernam, quae a Romanis religiosê culta esset ut cella Romuli et Remi nutricia.
Ecce antrum effossum: Caverna 16 metris sub terrâ specillo inventa est.
Ecce cavernam ornatissimam: Lacunar cavernae sub colle Palatino sitae conchis et marmore est ornatum.
Camera magnifica: Altitudo cavernae aestimatur esse octo metrorum, diameter 7,5 (septem-virgula-quinque) metrorum.
Opera tessellata: Multae partes cavernae bene servatae sunt. Archaeologi cavernam per duos annos endoscopiis et radiis lasericis mensuraverunt - veriti, ne effossione eidem detrimentum afferrent.
Rudera: Pars cavernae iam irruit.
Cap comentari:
Publica un comentari a l'entrada